“सुथसिया निभाः जुया” कभर सङ्ग कासा जुइगु

कन्फराक्टिभ मिडिया सोलुसनं म्हिग छगु पत्रकार सम्मेलन यानाः नेवाः भाय्या म्ये “सुथसिया निभाः जुया” कभर म्ये कासा जुइगु घोषणा याःगु दु । प्रतिस्पर्धाय् वःगु म्ये सामाजिक संजालया यूट्यूबपाखें वःगु म्येयात निर्णायकपिसं क्ववालीगु जानकारी बिउगु दु । पुरुषोतम श्रेष्ठमा सः दुगु थुगु म्ये नेवाःतय्गु बिचय् जक मखुसें देसंदेय् च्वपिन्सं तक स्वया म्ये हालाः ब्वति काय् दै । निर्णायकपिन्सं हार्ड भ्वाइसयात दुवाला स्वइगु व नं जानकारी बिउगु दु । यूट्यूबय् च्वंगु म्येया क्यारावोके डाउनलोड यानाः उकि म्ये हालाः रेकर्ड यानाः suthasiya.myekasa@gmail.com य् इमेलपाखें वइगु असार ८ गतेतक दुथ्याकेत ग्वसा खलकं इनाप याःगु दु ।
थुगु कासाय् ब्वति काःपिं मध्ये न्हापा, ल्यू, लियाल्यु, सान्त्वना व मोष्ट पपुलर पुरस्कारया व्यवस्था दु । नापं न्हाप लाम्हेसित म्ये, संगीत, संगीत संयोजन, रेकर्डिङ, म्यूजिक भिडियो, फोटो सुट व गिफ्ट ह्याम्पर, अथेहे ल्यू लाःम्हेसित म्ये, संगीत, संगीत संयोजन, रेकर्डिङ, फोटो सुट व गिफ्ट ह्याम्पर, लियांल्यू लाम्हसित म्ये, संगीत, संगीत संयोजन, रेकर्डिङ व गिफ्ट ह्याम्पर अथेहे सान्त्वनायात म्ये रेकर्डिङ व गिफ्ट ह्याम्पर व्यवस्था जुइगु जानकारी दु । अले मोस्ट लाइक विजेतायात नं गिफ्ट ह्याम्पर दै सा सहभागि सकसित प्रमाणपत्र बिइगु जानकारी दु ।
म्ये कासाय् ब्वति कापिन्सं पालना याय्माःगु शर्त व नियम ः
१) कासामिं Puru Shrestha युट्युब च्यानलय् अपलोड जुयाच्वंगु ‘सुथसिया निभाः जुयाः” म्ये काराओके ट्रायकय् म्ये हाला म्येया भिडियो इमेल suthasiya.myekasa@gmail.com पाखें ग्वसाःखलःयात छ्वया हयमा ।
२)कासामि रेकर्डय् छुं नं इफेक्ट छ्यले दइमखु ।
३) भिडियो क्वालिटी Full HD Quality (१९२०×१०८०) जुइमा ।
४) असार ८ गते लिपा वगु भिडियोयात कासाय् समावेश याइमखु ।
५. कासामि थगु म्ये नापं Puru Shrestha युट्युब च्यानल सब्सक्राइब यानाः फेसबुक पेज लाइक यानाः स्क्रीन सट नं इमेलय् छ्वयाहय्मा ।
६) छम्ह कासामिं छगू जक म्ये छ्वयाहय् फै ।
७) मोस्ट लाइक पुरस्कार ग्वसा खलकं फेसबुक पेजय् अपलोड यानाः भिडियोलय् यक्व लाइक वःगु भिडियोयात बिइ ।
८) ग्वसाःखलःया निर्णय अन्तिम जुइ ।