वंगु माघ २४ गते थिमिई शुटिंग जूगु तिमिला थें बाँलाम्ह म्येया म्युजिक भिडियो फाल्गुन १९ गतेनिसें हाइलाइट नेपाल यूत्युव च्यानल पाखें प्रसारण जूगु दु।
तिर्थ मान महर्जनजुया च्वसा व परिकल्पना, शिव शाहीजुया संगीत, संगीत संयोजन, निर्देशनया थुगु म्येसंकिपातय् मुक्कं १३ म्ह प्याखंम्वः दु। म्येसंकिपाया मू प्याखंम्वः सुदिप प्रजापती, सन्जना बज्राचार्य खः ।
हुलाप्याखंयात विशेष थाय् बियाः निर्माण याःगु थुगु म्येसंकिपाःया नृत्य निर्देशक सुदिप प्रजापती खःसा समांकःमि उमिषा पाण्डे खः। थ्व म्येया मय्जु म्येहालामि सरिना शाही, कोरस सः बिया दीपिं कृष्णा ष्रेष्ठ, चन्दिका बादे घजुपिन्सं समां ज्याय् ग्वहालि नं यानादीगु दु।
थुगु म्येसंकिपाःपाखें भाजु म्येहालामिं भुपेन शाक्यं सह निर्देशक भालाकाःगु दु। क्यामरा व सम्पादनया ज्या थिमिया क्यामरा पर्सन हरिकृष्ण प्रजापती व सुरेश ख्वाक श्रेष्ठपिन्सं याःगु खः।