म्येच्वमि व म्येहालामि सुरजवीर बज्राचार्यया च्वसा व लय् दुगु राजेश राज बज्राचार्यया सलय् छपु न्हुगु म्येया म्युजिक भिडियो पिहाँ व:गु दु ।
“व मिखा नापं थ्व मिखा” बोलया म्येयात म्ये हालामिं न्हापांखुसीं हालादिगु ख: ।
सुर मेलोडिया सुरेन्द्र श्रेष्ठं एरेन्ज/मिक्सिङ्ग/मास्टरिङ्ग यानादिगु म्येयात बिरेन्द्र शाक्यं बिट्स रिकर्डिग स्टुडियोलय् रिकर्ड यानादिगु ख: ।
थुगु म्युजिक भिडियोलय् न्हुपिं कलाकारपिं अर्नभ राज बज्राचार्य, ऋत्रिशा महर्जन व करुणा कार्की पिनिगु अभिनय नाप नापं म्ये हालामि बज्राचार्य यागु अभिनय यानादीगु दु ।
अथेहे वय्कःपिनिगु समां मेकअप आर्टिष्ट रितु महर्जनं यानादिगु ख: ।
संगीतकमि भुपेन्द्र बज्राचार्य विशेष ग्वाहालि यानादिगु थुगु म्युजिक भिडियोया सिनेमटोग्राफि/कलर/एडिटिङ्ग अमर चित्रकारं यानादिगु ख: । थुगु भिडियोया सह- निर्देशन भेष महर्जनं यानादिगु ख:सा परिकल्पना/निर्देशन अमोघ वीर बज्राचार्यं यानादिगु ख: ।
थुगु म्युजिक भिडियोयात एम क्रीयशन नेपालया अफिसियल युट्युब च्यानलय् अपलाेड यानातःगु दु ।