नांजाम्ह उद्यमि व उद्याेग वाणिज्य संघया पुंलाम्ह अध्यक्ष भवानी राणाया शिव ताण्डव म्ये संकिपा पितब्वज्या जूगु दु ।
भवानी राणा व सरस्वती खत्रीं सः बियातःगु थ्व म्येयात सुरसुधा सुरेन्द्रं संगीत संयाेजन यानादीगु खःसा म्ये संकिपाया परिकल्पना नं भवानी राणां हे यानादीगु खः ।
थ्व म्ये संकिपाया निर्देशक विकास सुबेदी , एआई व सम्पादक शिलन लम्साल खःसा थ्व भिडियो लाइक हब नेपालय् तयार जूगु खः ।
म्ये संकिपा पितब्वज्या ज्याझ्वलय् भारतीय राजदूत नविन श्रीवास्तव मूपाहाँ कथं झायादीगु खः ।
यलया मेयर चिरिबाबु महर्जन, उद्योगपति उपेन्द्र महताे व कलाकार श्वेता खड्का विशेष पाहाँ कथं झायादीगु ज्याझ्वः भवानी राणाया सभानायःसुई न्ह्याःगु खः ।
ज्याझ्वलय् राणा मयजुं लसकुस यानादीगु ज्याझ्वलय् म्येहामि सरस्वती खत्रीं सुभाय् देछानादीगु खः ।