संयुक्त राष्ट्रसङ्घं नेपाःया प्रस्तावय् अन्तरराष्ट्रिय आरोग्य दिवससम्बन्धी प्रस्ताव पारित याःगु दु । महासभां थौं उगु प्रस्ताव पारित याःगु खः । आः हलिंया थीथी देसय् दँय्दसं अप्रिल १५य् थ्व दिवस न्यायेकीगु जूगु दु ।
संयुक्त राष्ट्रसङ्घया निंतिं नेपाःया स्थायी प्रतिनिधि लोकबहादुर थापाया कथं उगु प्रस्तावं स्वास्थ्य धइगु ल्वय् पुंकाः मच्वनेगु जक मखुसें शारीरिक, मानसिक, सामाजिक, सांस्कृतिक, भावनात्मक लिसें पर्यावरणीय मुक्कं कल्याणयात धाइगु न्ह्यथनातःगु दु ।
राजदूत थापाया कथं उगु प्रस्तावं हलिंन्यंकं सुदृढ व दिगो समाज निर्माणया निंतिं रोकथाममुखी स्वास्थ्य सेवा, स्वस्थ जीवनशैली लिसें समावेशी स्वास्थ्य प्रणाली प्रवद्र्धन यायेमाःगु आवश्यकताय् नापं बः ब्यूगु दु ।
उगु प्रस्ताव पारित यायेगु प्रक्रियाय् ग्वाहालि व समर्थन याःगु देय्प्रति आभार प्वंकादिसें राजदूत थापां थ्व नेपाःया निंतिं तसकं महत्वपूर्ण कूटनीतिक उपलब्धि जूगु धयादीगु दु ।