वंगु श्रावण २७ गते मंगलबार केबिएस लुभू प्रोडक्सन हाउसया न्ह्यब्वयाय् नेवा: म्येसँकिपा: “जनम जनम” निर्भान मिडिया नेपाल यूट्यूब च्यानलपाखें हलिंन्यंक सार्बजनिक जूगु दु।
काजिराज शाक्यया च्वसाया थुगु म्येय् लय व बाजं ग्वसा: जीबित महर्जन, स: भुपेन शाक्य व दीपा महर्जनया दु।
थुगु म्ये अन्नपूर्ण स्टुडियो, प्रदर्शनी मार्गय् बिजय मास्कीं रेकर्ड याना दीगु ख:। थ्व म्येया अडियो रेकर्डिंग ज्या स्वदँ न्ह्यः हे क्वचा:गु ख:। थीथी एफ.एम.य् इलय् ब्यलय् थ्वयाच्वंगु नं दु।
कृष्ण भक्त श्रेष्ठया निर्माण ब्यवस्थापन व परिकल्पनाय् तयार जूगु म्ये सँकिपा: “जनम जनम”या निर्देशक बाल मुकुन्द प्रजापति, छायाँकन सम्पादन शैलेस श्रेष्ठ, समां ज्या उमेश पाण्डे व सरिता श्रेष्ठं यानादीगु दु।
थुगु म्येसँकिपातय् मू प्याखंम्व: लिला जोशी, राहुल बज्राचार्य ख:सा सहायक कथं स्वस्तिका शाक्य व अनिशा श्रेष्ठ ख:। म्येसँकिपा:या शुटिंग ऐतिहासिक, कलाकृतिं जा:गु मध्यपुर थिमिइ जूगु ख:।
पबित्र क्वातुगु त्यपू जीवनया बाखनं जा:गु थुगु “जनम जनम” म्येसँकिपातं झीगु समाजय् बांलागु भिंगु सन्देश बी धईगु म्येसँकिपा: सृजक पुच:या धापू दु।
म्यूजिक भिडियाे स्वयेत थन क्लिक यानादिसँ ।