भूइजःसि नारांद्यःया थाय्या भ्रमण

सुगत रत्न सिन्दुृराकार
धार्मिक आस्थां भय् बियाच्वंपिं मनूत थीथी द्यःया थाय् वना दर्शन, पुजाआजा याःवनेगु ज्या न्ह्याका वयाच्वंगु दु । सतिगु थासय्या द्यःपिन्त जक मखु ताःतापागु थासय् विराजमान जुया बिज्यापिं द्यःपिंन्थाय् तकं वना भक्तजनपिन्सं यात्रा न्ह्याका थःगु दिमाग बल्लाकेगु, मनयात स्वच्छ याय्गु ज्या याना वयाच्वंगु दु । खास याना धाय्माल धाःसा दिमाग व मन जक मखु थःगु शरिरयात नं थःगु यात्रां तःधंगु तिवः बिया वयाच्वंगु दु । नाप नापं भक्तजनपिन्सं नं वाःचाय्का हयाच्वंगु दु । थुकथं थीथी द्यःया थाय् वना भक्तजनपिंन्सं भावभक्ति प्वंकेगु झ्वलय्््् भुइजःसि नारांद्यःया थाय् नं आपालं भक्तजनपिं वनेगु याना वयाच्वंगु दु ।
थौं कन्हय् भोटरया बांलागु व्यवस्था जुयाच्वंगु हुनिं नं भुइजःसि नारां द्यःया थाय् वने धाःसा उलि थाकु मजुयावःगु दु । नापं थौं कन्हय् आपा धयाथें मनूत रिंगरोडं पिने वसोवास याःवनेगु ज्या तिव्रगतिं न्ह्याना वयाच्वंगुलिं रिंगरोडं भुइजःसि नं अःपुक हे वनेग्ु वातावरण दयाच्वंगु दु । चक्रपथय् ला बसया सर्भिस आपालं दुगुलिं नं थुकथंया वातावरण चूलानाच्वंगु खः ।
भुइजःसि नारां द्यःया थाय् न्हापा न्हापा द्यः चाहिलेगु थाय्या लिक्क द्यःया छ्यं साइतपाखे सतःत दय्कातःगु खःसा थौंकन्हय् उगु सतःत पिया थाय् तःकू यानातःगुु दु । उकिं याना द्यःया थाय् तापाक्कंनिसें हे स्वय् छिंगु दु । भुइजःसि नारां द्यःया थाय्या वातावरण नं सफा सुग्घर जुया थौं कन्हय् बांलाना वयाच्वंगु दु । थुगु थाय्या मूल द्यः हे नारां द्यः । थुम्ह द्यःयात पुखु दय्का ग्वातुका तःगु दु । लोंयाम्ह थुम्ह नारां द्यः भराधंम्ह खः । स्वय्बलय् हे तसकं आकर्षक आकृतिया रुपय् ग्वातुका तःम्ह नारां द्यःयात तापाक् तापाकं थासं निसें हे थुम्ह नारांद्यःया दर्शन याः वय्गु यानाच्वंगु दु । थु्म्ह द्यःया थाय् इलय् व्यलय् मेला नं लगे जुया वयाच्वंगु दु । भुइजःसि नारां द्यःयात धार्मिक हिसावं तसकं हे महत्व बियावयाच्वंगु दु । शहरं तापाक्क लाःसां तवि नं थुम्ह द्यःया दर्शन गैरनेवाःतया निसें नेवाःतसें नं उतिकं हे श्रद्धा तयाः याना वयाच्वंगु दु । पुखुया वीचय् लाक्क निद्रासनय् विराजमान जुया बिज्यागु हे थूम्ह नारांद्यःया विशेषता जुयावयाच्वंगु दु । थुम्ह नारांद्यःयात नेवाःमितसें जक मखु भारतीयतसें नं दर्शन याःवय्गु ज्या जुयावयाच्वंगु दु ।
बुढानिलकण्ठया नामं नं प्रख्यात जुया वयाच्वंम्ह भुइजःसि नारांद्यःया थाय्यात व्यवस्थित याना तय्या नितिं राज्यपाखें हे बुढानिलकण्ठ क्षेत्र विकास समिति छगू नं दयका तःगु दु । थुगु समितिपाखें माःकथंया ज्याखँत नं न्ह्याका थुगु थाय्या शोभा अप्पोयका हयाच्वंगु दु । थुगु बुढानिलकण्ठ नारांद्यःयात अझ महत्वपूर्ण थाय्या रुपय् विकास यायत थन थीथीकथंया सामाजिक संस्थात नं नीस्वनातःगु दुृ । थुगु थीथी संस्थापाखें नं थःथःगु जिम्मेवारी बोध याना ज्याखँत न्ह्याका हयाच्वंगु दु । थुकथं हे थनया ज्याखँयात अझ व्यवस्थित यायया नितिं बुढानिलकण्ठ वेद आश्रम, बुढानिलकण्ड महन्थ निवास, बुढानलिकण्ठ सनातन धर्म सेवा समिति, श्री कवि प्रसाद गौतम अखण्ड हरिनाम संर्कितन थें जाःगु संस्थातसें नं ज्या न्ह्याका वयाच्वंगु दु । थुगु बुढानिलकण्ठ थाय्यात अझ महत्वपूर्ण थाय्या रुपय् विकास याय्त थन सुरक्षाया सवालयात मध्ये नजर तयाः थन प्रहरी सम्पर्क कार्यालय छगू नं थुगु हे द्यःया परिसरय् तयातःगु दु । धर्म कर्मया ज्याखँयात प्रभावकारी याना तय्या नितिं थुकथं हे थीथी पुचःया आवश्यकता दयाच्वनेमाःगु खः ।
हिन्दु धर्मया आधारय् न्ह्यानाच्वंगु थुगु ज्याखँं याना धर्म कर्मया विकासय् व हिन्दु धर्मावलम्विपिन्त नं तःधंगु राहत जूवनाच्वंगु दु । भुइजःसि नारांद्यःया परिसर क्वय् द्यःयात छाय्त पुजाज्वलंया पसःत नं आपालं दयाच्वःगु दुसा आपालं भक्तजनपिन्सं थुगु हे पसलय् बोटाय् पुजाज्वलं न्याना पुजा यायगु व द्यःयात छाय्गु ज्या नं याना वयाच्वंगु दु । धार्मिक ख्यलय् पुजाआजाया वातावरण ब्वलनीकथंया सामग्रीत दयाच्वनेमाःगु तच्वतं अवश्यक जयाच्वंगु दु् । थुगु ज्या थन जुया च्वंगुलि. भक्तजनपिन्त द्यः प्रति आस्था ब्वलंकेत तिवः जूवनाच्वंगु दु ।
थुगु् भुइजःसि नारांद्यःया थासय् थीथी द्यःपिनिगु देगः व मूतिंत नं पलिस्था यानातःगु दुसा उगु मूर्तिइ नं पुजाआजा जुया वयाच्वंगु दु । पर्यटनया दृष्टिकोणं नं थुगु थाय् बांला हे धाय्माःगु अवस्था दु । तर गुलि विकास जुइमाःगु खः व उकिइ धाःसा कमि जुयाच्वंगु दु । थुगु भुइजःसि नारांद्यःया थाय् पार्क छगू नं दय्का तःगु दु् । तर भौगोलिक रुपं पार्कया गुलि विकास जुयाच्वंनेमाःगु खः व धाःसा याय् बाकी दयाच्वंगु अवस्था दु । याकनं हे थुगु पार्कयात पूर्णता विइगु खनेदु । नाप नापं विइमाःगु नं आवश्यकता जुयाच्वंगु दु । थन थीथी थासय् सतःत नं आधुनिक रुप हे दय्कातःगु दु ।
थुगु भुइजःसि नारांद्यःया थाय्या विकास याय्त लँपुया नं तःधंगु महत्व दयाच्वंगुलिं यँना लापु नं बांबांलाक दय्का वनेगु सरकारया योजना दया्रच्वंगु खनेदु । सतक विस्तारया हुनिं याना विकासया गति नं तिव्र जुयावयाच्वंगु दु । थःपिनि वने मंदुगु थासय् वनेत रिंगरोडया न्ह्याग्गु थासं नं अपुक वनेगु ज्यूगु अवस्था दु । मोटरया व्यवस्था बांलाक रिंगरोडया लँय् जुया वयाच्वंगु दु । पुलां शहरवासीपिं रिंगरोडया लंँय् उलि वनेमाःगु स्थिति मदयाच्वंगु अवस्था द्ु । उकिं याना नं रिंगरोडया लँया अवस्था बारे बांलाक सियाच्वंगु मदु । थौंकन्हय् रिंगरोड नं चीकु जुया वय्धुंकूगु अवस्था दु । थन मोटरया जाम नं जुइगु क्रम न्ह्याना वयाच्वंगु दु । अझ धाय्गु खःसा स्वनिगलं पिनें वःपिं अप्पो धयाथें हे रिंगरोड पिने च्वंवनेगु क्रम नं अप्पो जुयावयाच्वंगु दु । रिंगरोड पिने नं बांबांलागु वस्तिया विकास याना हयाच्वंगु दु । गुकिं याना रिंगरोड दुने सिवें नं पिने वस्ति अप्पो खनेवयाच्वंगु स्थिति दु । रिंगरोड दुने सिवें नं पिनेया वातावरण स्वच्छ, सफा, हराभराया रुपय् खनेदयाच्वंगु दुसा न्हून्हूगु छेँया विकासं याना नं नेपाः देय् क्वातुक हे विकास जुयाच्वंगु दु धकाः नं क्यनाच्वंगु दु ।
भुइजःसि नारां द्यःया थाय् रिंगरोडं पिने लानाच्वंगु दु । पिने जक लागु मखुु रिंगरोडया पिनें नं भचा तापाक हे वनेमाःगुिि थति दु । तर अथे खसां नं रिंगरोडं पिने पुलेसातं हे लँया विकासं याना जःखः बांबांलागु न्हू न्हूगु छेँत दय्का तय्धुंकू्रगु दु । सतकया जाःख जक मखु सतकं दुने दुने थ्यंक हे थीथी गांमय् नं ढलानया छेँत गाक्क हे दय्का वसोवास तकं जुयाच्वने धुंकूगु अवस्था दु । थ्वहे हुनिं याना नं सरकार येँया गाविस दक्को हे नगरपालिकाय् परिणत याना विइ धुंकूगु दु । लँ मदुथाय् नं बांबांलागु लँ दय्का विइधुंकूगुु दु । गुकिं याना यातायात नं बांलाक हे चले जुया वयाच्वंगु दु । थौं कन्हयु भुइजःसि नारांद्यःया थाय् नं गां मजूसे शहरया रुपय् परिणत जुयाच्वंने धुंकूगु दुसा थुकिं याना थाय्वाय् हे शोभायमान तकं जुयाच्वंगु दु । भुइजःसि नारां दःया थाय् इलय् व्यलय् नेपाःमित क्वातुक वना दर्शन व भ्रमण याना थःगु थाय्वाय्यात माया मतिना याना च्वनेमाःगु खनेदु ।