प्रधानमन्त्री केपी शर्मा ओलीं झिक्वःगु राष्ट्रिय खेलकुुद प्रतियोगिता वइगु मङ्सिरदुने क्वचायेकेगु कथं चुस्त व प्रभावकारी तयारी यायेत युुवा तथा खेलकुुद मन्त्रालय व राष्ट्रिय खेलकुद परिषद्या नेतृत्वयात निर्देशन बियादीगु दु ।
प्रधानमन्त्री निवास, बालुवाटारय् जूगु सहलहय् प्रधानमन्त्री ओलीं वइगु सन् २०२६ य् जापानय् जुइगु एसियन गेम न्ह्यः राष्ट्रिय प्रतियोगिता देय्या हे इज्जतया खँ जूगुलिं राष्ट्रिय खेलकुुदया तःजिक तयारी यायेत निर्देशन बियादीगु खः । वय्कलं प्रतियोगिताया मिति व थाय् बांलाक अध्ययन यानाः निर्णय यायेत व निर्णय यायेधुंकाः महिलेत नं इनाप यानादिल ।
परिषद्या संरक्षकतकं जुयादीम्ह प्रधानमन्त्री ओली व मन्त्रालय व परिषद्या नेतृत्वदथुइ उचित समन्वय जुइमाःगु खँय् नं बः बियादिल ।
सहलहय् युवा तथा खेलकुद मन्त्री तेजुुलाल चौधरी, मन्त्रालयया सचिव डा हरिप्रसाद लम्साल, परिषद्या उपाध्यक्ष ध्रुब आचार्य, सदस्यसचिव टङ्कलाल घिसिङपिनि ब्वति दुग खः ।