‘जय ट्रफी मेन्स एलिट कप–२०८१’या निंतिं बागमती प्रदेशया पुचः घोषणा जूगु दु ।
बागमती प्रदेश क्रिकेट संघं थौं सन्दीप लामिछानेया कप्तानीइ १५ दुजःया लिपांगु पुचः घोषणा याःगु दु ।
सन्दीपया कप्तानीइ कासामित सूर्य तामाङ, रिजन ढकाल, प्रतिश जिसि, उत्तम थापा मगर, आशुतोष घिरैया, रित गौतमयात ल्यःगु दु । नापं इशान पाण्डे, विपीन आचार्य, शुभ कंसाकार, रोशन विक, सूर्यांशु कोइराला, नन्दन यादव, प्रतिक श्रेष्ठ व तिलकराज भण्डारीनं पुचलय् दुथ्याःगु दु ।
नेपाल क्रिकेट संघ (क्यान) या ग्वसालय् जय ट्रफी मेन्स एलिट कप थ्वहे पुस २१ गतेनिसें माघ ३ गतेतक मधेश प्रदेशया जनकपुर व वीरजञ्जय् जुइत्यंगुु दु ।