निक्वःगु बागमती प्रदेशस्तरीय खुल्ला लिग तेक्वान्दो धेंधेंबल्ला कासा कन्हय् शुक्रबाः जुइत्यंगु दु ।
जिल्ला समन्वय समिति येँया संयोजन व बागमती प्रदेश तेक्वान्दो सङ्घया प्राविधिक ग्वाहालि नापं टोखा नगरपालिकापाखें ग्वसाःग्वगु धेंधेंबल्ला कासाय् मिजं व मिसा कासामित यानाः झिगू तौल पुचः दुथ्याः धाःगु दु ।
धेंधेंबल्ला कासा दुने मिजंपाखे ४६–५०, ५०– ५४, ५४–५८, ५८–६३ व ६३–६८ पुचः ब्वथला तःगु दुसा मिसापाखें ४०–४३, ४३–४६, ४६–४९, ४९–५३ व ५३–५७ केजी तौल पुचःया दथुइ धेंधेंबल्ला जुइगु येँ जिल्ला समन्वय समितिया संयोजक सन्तोष बुढाथोकीं राससयात धयादिल ।