प्रतिनिधिसभाया विषयगत समितिइ सांसदपिं हिलाबुला जूगु दु ।
प्रतिनिधिसभाया थौंया बैठकय् सभामुख देवराज घिमिरें प्रतिनिधिसभा नियमावली कथं विषयगत समितिया दुजःपिनि नां हिलाबुला यानादीगु खः ।
सांसद श्यामकुमार घिमिरेयात सार्वजनिक लेखासमितिपाखें शिक्षा, स्वास्थ लिसें सुचं प्रविधि समितिइ, चन्दा चौधरीयात कृषि सहकारी लिसें प्राकृतिक स्रोत समितिं सार्वजनिक लेखा समितिइ, शान्ति विकयात महिला लिसें सामाजिक मामिला समितिं कृषि सहकारी लिसें प्राकृतिक स्रोत समितिइ तयादीगु दु ।
बैठकय् सभामुख घिमिरें प्रधानमन्त्री लिसें मन्त्रिपरिषद्या ज्याकुथिपाखें वःगु पौया व्यहोराबारे जानकारी याकादीगु खः ।