अमेरिकी राष्ट्रपति डोनाल्ड ट्रम्पं अमेरिकां इरानया स्वंगू मू आणविक केन्द्र फोर्डाे, नातान्ज व इस्फहानय् हवाई आक्रमण याःगु धयादीगु दु ।
थ्व आक्रमणं क्षेत्रीय तनाव व युद्धया ह्वःताः अप्वयेकुगु दु ।
थ्व घटनां विश्व अर्थतन्त्र व चिकंया कारोबारय् नं लिच्वः लाकेफुगु विश्लेषकतय्सं धाःगु दु ।
राष्ट्रपतिं थःगु सामाजिक सञ्जाल पाखें धयादिल, “फुक्कं विमानत आः इरानया सर्गपाखें पिने दु । फोर्डाेय् मू थासय् पूवंकं बमबारी यानागु जुल ।”
वय्कलं तनादिल, “सामान्य कथं बमबारी यानागु दु व मू यानाः फोर्डाेयात तातुनागु दु ।”
थ्व घटनां हलिंन्यंकं न्हू तनाव सिर्जना जूगु दु ।
अमेरिकी अधिकारीतय् कथं, थुकिं इरानया आणविक ज्याझ्वःयात कडा धक्का लावंगु खः ।
राष्ट्रपति ट्रम्पया थ्व धापू लिपा इरानं लिसः बिइगु तयारी यानाच्वंगु खनेदु । (रासस)