‘न्हिया न्हिथं कासा ल्यये ’ धइगु नारा ज्वनाः थौं हलिंन्यंकं अन्तरराष्ट्रिय कासा दिवस न्यायेकाच्वंगु दु । थ्व दिवसया लसताय् कासायात मस्तय्गु मुक्कं विकासया दुगः कँिय्या कथं नाला कयाः उकिया प्रवद्र्धन, संरक्षण व प्राथमिकता बिइत सकल स्वापू दूपिंत आह्वान याइ ।
कासा मनोरञ्जनया निंतिं जक मखुसें, फुक्कं उमेर समूहया मनूतय् दथुया मंकाः भाय् खः । थुकिं सामाजिक समावेशीकरण, मानसिक स्वास्थ्ययात प्रवद्र्धन याइ । अझं मस्तय्गु निंतिं ला कासां विशेष यानाः स्वापू निर्माण, समस्या समाधान व थीथी सीप विकासय् महत्वपूर्ण भूमिका म्हिती ।
संयुक्त राष्ट्रसङ्घया बालअधिकारसम्बन्धी महासन्धिया अनुच्छेद ३१ कथं, कासायात फुक्कं मस्तय्गु निंतिं आधारभूत अधिकारया कथं कयातःगु दु । शिक्षा प्रणालीइ कासा दुथ्याका तःगु खेलमूलक शिक्षां सिकाइ प्रक्रियायात अझं प्रभावकारी दयेकूगु प्रमाणित जूगु दु ।
–––