नेकपा माओवादी केन्द्रया नायः पुष्पकमल दाहालं माओवादी बल्लाइ बलय् देय् बल्लाइ धयादीगु दु ।
मध्यपहाडी राजमार्ग केन्द्रित अभियानया झ्वलय् आइतबाः दैलेखय् ग्वसाः ग्वःगु सभाय् प्रचण्डं माओवादी बल्लाःबलय् दलित, मजदुर, मिसा बल्लाइगु खँ धयादीगु खः ।
“वइगु इलय् माओवादी बल्लाइ बलय् दलित नं बल्लाइ, अले माओवादी बल्लाइ बलय् मिसात नं बल्लाइ ।” प्रचण्डं धाःगु दु, “माओवादी बल्लाइ बलय् मजदुर किसान बल्लाइ । माओवादी बल्लाइ बलय् नेपाः नं बल्लाइ ।”
वय्कलं माओवादी बल्लाइ बलय् देय् बल्लाइगु जूगुलिं ३० दँ दुम्ह ल्याय्म्ह थें चुनावय् ब्वाँय् वनागु धयादिल । वय्कलं धयादी, “जि (जिगु पार्टीया) मेपिं नेतात स्वयां दच्छि निदँ तःधिकःम्ह खः । ७० दँ थ्यनेधुंकाः नं वय्कः २५–३० दँया मनू थें देय् चाःहिलाच्वंगु दु धइगु खनेदइ ।
माओवादीया प्रस्तावय् अध्यक्ष प्रचण्डं मध्यपहाडी राजमार्ग दयेकूगुलिं नं पार्टीं अभियान न्ह्याकाच्वनागु वय्कलं धयादिल । वय्कलं धयादी, “मध्य पहाडी राजमार्गया प्रस्ताव माओवादी केन्द्रपाखें दु, अले उकिया प्रस्तावक प्रचण्ड खः ।”