नेपाल सरकारं भारत व पाकिस्तान दथुइ अप्वया वंगु तनावयात कयाः चिउता प्वंकूगु दु ।
भारतया पहलगामय् वंगु २२ अप्रिलय् जूगु आतङ्कवादी आक्रमणय् लाना छम्ह नेपाःमि लिसें २६ भारतीय पर्यटकपिं मदुगु खः । उगु घटना धु्ंकाः भारत व पाकिस्तान दथुइ अप्वःगु तनावप्रति परराष्ट्र मन्त्रालयं बिहीबाः छगु विज्ञप्ति पितबिसें चिउताः प्वंकूगु खः । थ्व दुःखद् घडीइ नेपाल व भारत साझा दुःख व पीडाय् एकताबद्ध जुयाः ऐक्यबद्धताय् दनाच्वंगु विज्ञप्तिइ न्ह्यथनातःगु दु ।
नेपालं सकतांकथंया आतङ्कवादविरुद्ध थःगु दृढ अडान कथं उगु बर्बर आतङ्कवादी हमलाया तत्काल व निःसन्देह रूपय् भत्र्सना याःगु खः । “आतङ्कवादविरुद्धया ल्वापुइ नेपाः फुक्क पक्षलिसे दनाच्वंगु दु । थःगु सैद्धान्तिक अडान कथं, नेपालं गुगु नं शत्रूतापूर्ण शक्तियात थः जःलाखःला देय्विरुद्ध थःगु भुमि छ्ययेके बीमखु”, मन्त्रालयलया विज्ञप्तिइ न्ह्यथनातःगु दु ।
मन्त्रालयं उगु तनाव म्हो जुइगु आशा यासें थुगु लागाय् दिगो शान्ति व स्थायित्वया नीति थःपिनिगु प्रतिबद्धतायात पुनःपुष्टि याःगु दु ।