नवनियुक्त शिक्षा, विज्ञान नापं प्रविधिमन्त्री रघुजी पन्तं पदबहाली यानादीगु दु । राष्ट्रपति भवन शीतल निवासय् शपथ कायेधुंकाः वय्कलं सिंहदरबार थ्यंकाः पदबहाली यानादीगु खः । उगु झ्वलय् वय्कलं वार्ताया माध्यमं आन्दोलन यानाच्वंपिं शिक्षकतय् माग संबोधन याइ धकाः धयादिल । थःम्हेसिनं नकतिनि जक मन्त्रालयया भाला कयाः धकाः धयादिसें वय्कलं शिक्षा ख्यःया बारे जानकारी कयाः जक न्ह्याःवनेगु ध्वाथुइकादिल । न्हापाया शिक्षामन्त्री विद्या भट्टराईं राजीनामा बिइधुंकाः नेपाल कम्युनिष्ट पार्टी (एमाले)या स्थायी कमिटी दुजः पन्त शिक्षामन्त्रीइ नियुक्त जुयादीगु खः । राष्ट्रपति रामचन्द्र पौडेलं प्रधानमन्त्री केपी शर्मा ओलीया सिफरिसय् बुधबाः पन्तयात शिक्षामन्त्रीइ नियुक्त यानादीगु खः ।
