नेपालभाषा एकेडेमीया ग्वसालय् शुक्रबार डाक्टर गोविन्द बोल श्रेष्ठं च्वयादीगु नेवाल व नेपाल सफूया पितब्वज्याः जूगु दु ।
नेपालभाषा एकेडेमि या सदस्य सचिव भाजु महेन्द्रगोपाल कर्माचार्यं न्ह्याकादीगु उगु ज्याझ्वलय् नेपालभाषा एकेडेमिया चान्सलर मल्ल के. सुन्दर मुँज्या नायः जुयादीगु खः ।
भाइस चान्सलर डा. पुष्पराज राजकर्णिकारं लसकुस न्वचु तयादीगु उगु ज्याझ्वलय् नेपालभाषा एकेडेमिया संरक्षक
यज्ञरत्न धाख्वालं सफू पितब्वज्या यानादीगु खः । पितब्वज्या ज्याझ्वलय् च्वमि गोविन्द बोल श्रेष्ठयात बेतालिं चिका सम्मान नं याःगु खः ।
ज्याझ्वलय् च्वमिया ब्यक्तित्व न्ह्यब्वयेगु ज्या भाजु नूरमान ताम्राकारं यानादिलसा इन्जिनियर भाजु बालसुन्दर मल्लं भिन्तुना न्वचु तयादिल ।
इतिहासविज्ञ डा. पुरुषोत्तमलोचन श्रेष्ठं सफूयात दुवालादइगु उगु ज्याझ्वलय् च्वमि डा. गोविन्दबोल श्रेष्ठं उगु सफू थःगु जीवनया छगू उपलब्धि खः धका नं नुगःखँ तयादीगु उगु ज्याझ्वलय् मूपाहाँ कथं यज्ञरत्न धाख्वाः व मुँज्या नायः मल्ल के सुन्दरं नुगःखँ तयादीगु खः ।