थ्वहे वइगु वैशाख १ गते निसें लछि तक न्ह्याइगु श्री हल्चोक आकाश भैरवया झिनिदँया जात्रा सभ्य व भव्य कथं तःजिक क्वचायेकेत प्रारम्भिक सहलह जुल ।
श्री हल्चोक समाजया ग्वसालय् वगु चैत ६ गते हनुमानध्वाखाया सिसा बैठकय् जूगु उगु ज्याझ्वलय् बागमती प्रदेशया सांसद लिसे पु्लांम्ह मन्त्री शैलेन्द्र वज्राचार्य, येँ महानगरपालिका १८ या वडा अध्यक्ष न्हुच्छेकाजी महर्जन, २४ वडाया वडाध्यक्ष विनोदकुमार राजधण्डारी, हनुमानध्वाखा दरवार क्षेत्र संरक्षण कार्यक्रमया प्रमुख चन्द्रगोपाल प्रधान, सार्दुल जंग गुल्मया गुल्मपति अनिल श्रेष्ठ , जनसेवा वृत्तया प्रमुख कृष्ण चन्द, सशस्त्र प्रहरीया अशोक न्यौपाने, दरबार हेरचाह अड्डाया प्रमुख काजिमान प्याकुरेल, सामाजिक अभियन्ता गणपति लाल श्रेष्ठ, ट्राफिक व्यवस्थापन समितिया संयोजक रवि तण्डुकार लिसे थीथी खलः पुचः व स्थानीय वासिन्दया दथुइ सहलह ब्याकूगु खः ।
जात्राया सुरक्षाया झ्वलय् सुरक्षा व्यवस्थापन लिसे जात्रायात तःजिक क्वचायेकेगु नितिं सम्बन्धित निकायलिसे सहलह ब्याकूगु खः ।
ज्याझ्वलय् समाजया नायः शेरबहादुर पुतवारया सभापतित्वय् जूगु खःसा ज्याझ्वःया बारे जानकारी नं वय्कलं याकादीगु खः ।