प्रधानमन्त्री केपी शर्मा ओलीं तामाङतय्गु न्हूदँ सोनाम ल्होसारया लसताय् भिंतुना बियादीगु दु ।
प्रधानमन्त्रीं सामाजिक सञ्जाल फेसबुकपाखें परम्परागत वसः पुनाः डम्फु ल्हातय् कयातःपिं तामाङ समुदायया मिसातय्गु किपा न्ह्यब्वयादिसें सोनाम ल्होसार हनीपिं सकसितं थ्व नखःया लसताय् भिंतुना देछानादीगु खः ।
“थौं तामाङ समुदायया न्हू दँ, अर्थात् सोनाम ल्होछार ! झीगु सोनाम ल्होछार वःबलय् छेँया पौ व डाँडाय् दयेकातःगु मानेय् ह्याउँगु, तुयूगु, म्हासुगु, वँचुगु व वाउँगु ध्वाँय् ब्वयाच्वंगु लुमन्ति वइ । थ्व लसताय् डम्फु थानाः हालीगु सेलो नेपाली लोक सङ्गीतया छगू महत्वपूर्ण विधा खः । झीगु बांलाःगु पर्व सोनाम ल्होछारया लसताय् झाम्मान् (सकल) नानाआङा (तःकेहेँ) व ज्योज्योआले (दाजुकिजा) पिंत दुनुगलं भिंतुना ! ल्हास्सो, फ्याफुल्ला !” प्रधानमन्त्रीं फेसबुकय् च्वयादीगु दु ।