सार्क जर्नलिस्ट फोरम व आम्रपाली कला साहित्य सम्मेलन (विहार) भारतया मंकाः ग्वसालय् कन्हय् व कंस निन्हुयंकं जुइगु अन्तर्राष्ट्रिय मातृभाषा सम्मेलनय् ब्वति कायेगु नीति नेवाः पत्रकारपिनि छगू पुचः भारत थ्यंकूगु दु ।
सार्क जर्नलिस्ट फोरम नेपाल च्याप्टरया दुजःलिसें नेवाः पत्रकार राष्ट्रिय दबूया नायः नृपेन्द्रलाल श्रेष्ठया नेतृत्वय् वंगु पुचलय् दबूया वरिष्ठ न्वकुलिसेें नेपाल पत्रकार महासंघ कामना प्रतिष्ठान शाखाया न्वकु व समाचार पत्रया सहसम्पादक सुनिल महर्जन, दबूया न्वकु लिसें हलिं नेवाः दबू नेपाः च्याप्टरया नायः सुरेन्द्र भक्त श्रेष्ठ व हर्कबहादुर श्रेष्ठपिं अन थ्यंकूगु खः । वय्कःपिं सकलें सार्क जर्नलिस्ट फोरम नेपाल च्याप्टरया दुजः जसयादी ।
कन्हय् उलेज्या जुइगु सम्मेलनय् मूपाहाँकथं मोरिससय् अन्तर्राष्ट्रिय संस्कृतिया प्रवर्द्धन यानादीम्ह डा. सरिता बुधुयात ब्वनातःगु दुसा अतिविशिष्ट पाहाँकथं फोरमया अन्तर्राष्ट्रिय नायः राजु लामा व थाई मन्दिरया प्रमुख डा. पिसि चन्द्रायात ब्वनातःगु दु ।