Spread the love

प्रेस काउन्सिल नेपालं अनुदानय् सञ्चार सामग्री न्याये यःपिं पत्रकार लिसें सञ्चारमाध्यमयात आवेदन बीत इनाप याःगु दु ।

प्रेस काउन्सिल नेपाल, मिडिया विकास कोषं अनुदानय् सञ्चार सामग्री न्याये चाहे जूपिं पत्रकार व सञ्चारमाध्यमयात आवेदन बीत इनाप याःगु खः ।

काउन्सिलं थाैं छगू सुचं पिथसें काउन्सिलया स्वीकृत नीति लिसें बजेट व ज्याझ्वःकथं मोफसलय् च्वंपिं पत्रकार व सञ्चारमाध्यमयात थीथी सुविधा उपलब्ध याका वयाच्वंगु व आर्थिक वर्ष २०८१/८२ या निंतिं ३५ न्हुदुने प्रेस काउन्सिल नेपाल मिडिया विकास कोषया सचिवालयस लिखित वा अनलाइन माध्यमं आवेदन बीत इनाप याःगु दु ।

थुकथं हे ग्वाहािल याइगु लागा व  सीमाअन्तर्गत ल्यापटप खरिद अनुदान (४० प्रतिशत) १६, क्यामेरा खरिद अनुदान (३० निसें ४० प्रतिशत) चार, सोधपत्र लेखन ७ म्ह (प्रत्येक प्रदेशं छम्हेसित) व सञ्चार केन्द्र स्वनेगु अनुदान छगू सुविधाया निंतिं आवेदन बी फइगु काउन्सिलं पिथंगु सुचनय् न्ह्यथनातःगु दु ।

दुर्गम, स्थानीय सञ्चारमाध्यम व थ्वयां न्ह्यः मकाःनिगु जिल्लायात न्हापांगु प्राथमिकता बीगु लिसें निवेदनय् निवेदकया ल्हाःचिं, स्वापु ल्याः, माःकथंया भ्वं व  इमेल अनिवार्य दयेमाःगु न्ह्यथनातःगु दु ।

By सुनिता महर्जन

वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।

Leave a Reply

Your email address will not be published. Required fields are marked *