पुलांगु लोकंह्वागु नेवाः म्येया न्हून्हूगु भर्सन पिहाँ वयेगु ज्या थुगु इलय् अप्वया वःगु दु ।
नेपालभाषा ख्यलय् लोकगायककथं म्हस्यूम्ह रत्न बेहोशीया ” भत्ती खों ड्राइभर ” म्येया न्हूगु भर्सनया म्युजिक भिडियो मंगलवाः पितब्वज्या जूगु दु ।
वरिष्ठ सर्जक रत्न बेहोशीया नापनापं नेपालभाषाया न्हांपाम्ह म्युजिक भिडियो निर्देशक विजयरत्न असंबरे व युवा पत्रकार विराजकाजी राजोपाध्याय विशेष पाहाँ कथं झायादीगु छगू ज्याझ्वलय् थुगु म्ये पितब्वज्या जूगु खः ।
न्हूगु भर्सनय् नांजाम्ह म्येहालामि सरस्वति मानन्धर व कृष्ण महर्जनया सः दुथ्याना च्वंगु दु । रत्न बेहोशीया च्वसा व लसय् हनातःगु थुगु म्येय् दिप तुलाधरं बाजं ग्वयादीगु खः ।
थुगु म्युजिक भिडियोलय् सरस्वति मानन्धर , भिन्तुना जोशी व अष्ट महर्जन लगायत शान्त प्रजापति,राधेश्याम श्रेष्ठ,सोनी महर्जन, राम मैनाली, उमेश पाण्डेपिन्सं भुमिका म्हितातःगु दु । थुकिया किपालुमि व छ्यायफ्यायकःमि बालकुमार मगर खः ।