नेवाः संगीत संकिपा तिबःपुचःपाखें म्ये च्वमि पवन जोशी, म्ये हालामि गोपाल कृष्ण महर्जन व निर्देशक सुरेन्द्र तुलाधरयात छगू ज्याझ्वःया दथुइ हनेज्या याःगु दु ।
म्ये हालामि महर्जनं हालादीगु अय्लाः अय्लाः म्ये यूट्यूबय् झिन्हुया दुने १८ लखं मल्याकसिनं स्वःगुलिं थुगु ज्याया लसंहंसें नेवाः संगीत संकिपा तिवः पुचःपाखें म्येया लय् चिनामि अनिल तुलाधरं स्वम्हेसित भिंतुना पौ लःल्हाःगु खः ।
हना ज्याझ्वलय् म्ये हालामि महर्जनं थःगु अय्लाः म्ये न्यंका दिल । वय्कलं थः म्ये हालामि मखुसां अनिल तुलाधरया खँ न्यनाः कुतः जक यानागु व आपालं स्वकुमिपिसं ययेकूगुलिं सुभाय् देछानादिल ।
थुकथं हे निर्देशक तुलाधरं अतिकं हनेवहःम्ह म्येच्वमि लिसें निर्देशक जोशीया बांलाःगु म्येयातः बांलाःगु बाखं दय्का न्हूकथंया म्ये प्याखं दय्का स्वकुमिपिनिगु नुगः सालेफुगु खँ तयादिल ।
म्ये च्वमि पवन जोशीं शब्द, संगीत व सः यात कःघानाः मदय्क मगागु प्रविधिलिसें प्याखंम्वः तये फतकि म्ये प्याखं बांलाइगुया थ्व छगू दसू जूगु धयादिल ।
ज्याझ्वः जयलक्ष्मी सिद्धी बज्राचार्यं न्ह्याकादीगु खः ।