छपलाः द्वन जिगु शनिवाः प्रिमियर जुइगु

मध्यपुर थिमि न.पा.या थीथी थासय् वंगु आश्विन ४ गते शुक्रवाः छायांकन  क्वचायेकुगु सामाजिक सन्देशमुलक  नेपालभाषाया  म्यूजिक भिडियो “छपलाः द्वन जिंगु आजु तन” म्यूजिक भिडियाे  निर्माण सम्बन्धी सकतां ज्या क्वचागु निर्देशक पवन जोशीं कनादीगु दु ।

वरिष्ठ निर्देशक पवन जोशीयागु हे रचना थुगु म्येय् लय् व बाजं ग्वसाः अनिल तुलाधरया दुसा थुके कृष्ण महर्जनं सः बियादीगु खः । थ्व म्ये विजय मास्कीं रेकर्ड यानादीगु खः ।

थ्व  म्यूजिक भिडियो निर्माणया ज्याय्  आशा तामाङ्गया समाः, बाल कुमार मगरया छायांकन , सम्पादन व कलरिङ, सुरेन्द्र श्रेष्ठया मुख्य सहायक निर्देशन दु । म्ये संकिपाय् न्ह्यलुवा कलाकार सुशिल श्रेष्ठया नापनापं सपना डंगोल, राजेश श्रेष्ठ, सपना श्रेष्ठ व सिताराम न्हय्म्हफुकीपिनि मुख्य भूमिका दु ।

थ्व भिडियो निर्देशक जोशीया निर्देशनय् तयार जूगु १२० पुगु म्ये खः । गायक  कृष्ण महर्जनं धयादी कथं थ्व संकिपा शनिवार  प्रिमियर शो जुइगु ग्वसाः दु ।