प्रेस काउन्सिल नेपालं ५५ क्वःगु दँ मुज्याया लसताय् थौ लहना वाःपौयात भाषागत सिरपाः लःल्हाइगु जुगु दु । १० हजार नगद नापं सिरपा नं विइगु थुगु ज्याझ्वलय् काउन्सिलं गोपालदास पत्रकारिता सिरपाः अन्नपूर्ण पोष्ट न्हिपौया प्रधानसम्पादक अखण्ड भण्डारी व नेपाल प्रेस इन्स्टिच्युट (एनपीआई) यात मंकाः कथं लःल्हाइगु खः । थगु सिरपालय् हनापौ नाप १ लाख ५१ हजार तका लःल्हाइगु जुगु दु ।
पत्रकारिता नाप आमसञ्चार ख्यलय् अध्ययन, अनुसन्धान, तालिम नापं प्रशिक्षण संस्थायात गोपालदास पत्रकारिता सिरपा दुथ्याकूगु काउन्सिलया इतिहासय् थ्व न्हापागु खः सा प्रेस काउन्सिल सुरेन्द्रबहादुर बस्नेत पत्रकारिता सिरपा पत्रकार बद्री सिग्देलयात हनापौ नाप १ लाख १० हजार तका लःल्हाइगु खः ।
अथेहे काउन्सिलं आचारसंहिता सिरपा रातोपाटी यात विइगु दु । काउन्सिलं बिहीवाः व शुक्रवाः च्वंगु बोर्ड बैठकं थीथी सिरपा लःल्हायेगु निर्णय याःगु खः । स्थापना जुगु ५५ दँ थ्यःगु लसताय् थौ असोज ६ गते आइतवाः राष्ट्रपति रामचन्द्र पौडेलया मूपाहासुइ काउन्सिलं थीथी सिरपा लःल्हाइगु जुगु दु ।
