येँया त्यंगः त्वाःया थकाली तिर्थनारायण महर्जन नानिचाया दिनय् शनिवाः मन्त । त्वाःलय् थगु जिवन पानादिम्ह वय्क निदँ न्ह्यःनिसें ब्रेन स्टक जुयाः म्हंमफयाच्वंगु खः ।
मदुम्ह महर्जन नेवाः देय् दबू येँ जिल्लाया नायः धनबहादुर महर्जन ‘तिमिला’या अबु खः ।
महर्जनया ८९ या बैशय् मदुगु खः । वय्कया अन्तिम संस्कार शनिवाः हे येँया शोभा भगवतीइ जूगु खः ।
मदुम्ह महर्जनया निम्ह काय् व निम्ह म्ह्याय् दु ।
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।