पितृपिन्त उद्धारयानितिं याय्गु सोह« श्राद्ध याय् मखनाच्वंपिंनि निति महिला बौद्धंया ग्वसालय सामुहिक पुन्यानुमोदन ज्याझ्वः क्वचागु दु । देय्दसं यानाच्वंगु पुन्यानुमोदन ज्याझ्वः थुगुसि २५ जना परिवारया सहभागि जुगु दु ।
ज्याझ्वलय् विशेष यानाः झायादिम्ह शोभित भन्तें बुद्ध पुजा धर्मदेशना परित्राण धुंका मदुपिनिगु छेँ पिनि सहभागिताय् पुन्यानुमोदन याकुगु खः । नापं गुरुजु पाखे पितृउद्धारया नितिं दुर्गति परिषोधन पाठ नं यागु खः । पाठ धुंका गुरुजुपिन्त निशला दान विइगु ज्याः जुगु खः । ज्याझ्वलय् कामपा १२ वडाया अध्यक्ष बाल कृष्ण महर्जन विशेष पाहाँ कथं झायादिगु खःसा वडा सदस्यपिनिगु नं सहभागिता दुगु खः । उगु ज्याझ्वः महिला बौद्ध समुहया नायः श्रीमिला सुवालया नायः सुइ न्ह्यागु खःसा सहभागि सकलसित जलपान व भोजनया व्यवस्था नं यागु खः ।