मिसा पत्रकारपिनि निंतिं चुनौति अवसर व अन्तरविच्छेदन मालेज्या

संकल्प संस्थाया ग्वसालय् डब्लु.डब्लु.जे.लिसेया सहकार्यय् मिसा पत्रकारपिनि निंतिं चुनौति, अवसर व अन्तरविच्छेदन मालेज्या सम्बन्धी ज्याझ्वः एपेक्स बिजनेश होटलय् थौं जुल ।
थीथी सञ्चारमाध्यमय् आवद्ध पत्रकारपिन्त जानकारी बीकथं थुगु ज्याझ्वः न्ह्याकागु संकल्प संस्थाया पूर्वनायः संगीता लामां कनादिल ।
अथेहे डा. छत्र अमात्यं थःगु नुगःखँ तय्गु झ्वलय् थौंस्वयां ४० दँ न्ह्यः वय्कः अमेरिका झाःबलय् अन च्वंपिं मिसापिन्सं थःपिं दोहोरो मारय् लानाः शोषित जूगु खँ कनादिल । छेँ व अफिसया ज्यां थःपिं झन शोषित जूगु धासें नेपाःया मिसापिं सुखि जूगु खः धयादिल । खास यानाः मिसापिं थीथी थासय् न्ह्याबलें शोषित जुइगु व थःपिन्सं थ्व खँया निंतिं ‘जि अले जितः सुरक्षित याय्’ धैगु खँ मनन याय्माः धासें वय्कलं मिसापिन्सं कुतः यात धाःसा सुनाः नं छुं नं ज्या याय्त सुरक्षित सक्षम जुइ धयादिल ।
खास यानाः मिसापिन्त अन्तरविच्छेदन धैगु छु खः उकिया बारे जानकारी नापनापं गथे यानाः सुरक्षित जुइगु धैगु खँयात व्याकं कनेया नितिं थौंया ज्या ग्वसाः ग्वयागु खँ ग्वसाः खलःपाखें जानकारी वःगु दुसा ज्याझ्वलय् थौंया ज्याझ्वःयात कयाः अमिका राजथलां कुला दीगु खःसा अन वःपिं पत्रकारपिनिगु खँयात कयाः थगु खँ डब्लु.डब्लु.जे.या नायः रामकला खड्कां समीक्षा यानादीगु खः ।