अमेरिकाया पूर्व राष्ट्रपति डोनाल्ड ट्रम्पयात छगू चुनावी सभाया झ्वलय् गोलिं कयेकूगु दु ।
पेन्सिलभेनियाय् चुनावी सभायात सम्बोधन यानाच्वंगु इलय् ट्रम्पयात गोलिं कयेकूगु लू सामाजिक सञ्जालय् पिदनाच्वंगु दु ।
न्हाय्पनय् गोलिं थिया जक वंगु जूगुलिं ट्रम्प सुरक्षित दुगु धाःगु दु ।
डोनाल्ड ट्रम्पं छगू राजनीतिक सभाय् थःगु न्हाय्पनय् गोली क्ययेकूगु धासें “ह्वाइँया सः” वःगु व “छ्यंगुलिइ गोली थियावंगु” महसुस जूगु धाःगु दु ।
पेन्सिलभेनियाया बटलरय् जूगु ज्याझ्वलय् ट्रम्पया हत्या यायेगु कुतः जूगु खनेदयेधुंकाः गोप्य सेवाया छम्ह दुजलं छम्ह मिजं आक्रमणकारीयात गोली कयेकाः स्यानाब्यूगु दु।
गोलिं कयाः सभाय् ब्वति कयाच्वंम्ह छम्ह दर्शक सित सा मेपिं निम्ह तच्वकं घाःपाः जूगु गोप्य सेवां जानकारी ब्यूगु दु ।
गोलिं कयाः मदुम्हप्रति ट्रम्पं श्रद्धाञ्जली देछाःगु दुसा घाःपाः जूपिन्त सहानुभूति प्वंकूगु दु ।