कृपालु महाराजया धर्म जिवन बारे प्रचार याय्गु तातुना वय्कया छेँय् निलमणि कृपालु महाराज नेपालया यल महानगरपालिका बैशाखया १५ गतेथ्यंका दिगु दु । वय्क नेपालय् न्यान्हु च्वनाः धार्मिक प्रवचन बिइगु ज्याझ्वः दुगु बारे ग्वसा ग्वया दिम्ह नेपालया भक्त सुभद्रा श्रेष्ठं जानकारी वियादिगु दु । यलया दरवार क्षेत्रया भण्डारखाल वगैचाय् जुइगु थुगु प्रवचन उद्घाटनया दिनय् कलश यात्रा यानाः यलया थिथि शहर चाहिगु दु । शनिवार निसें बिहिबार तक जुइगु उगु ज्याझ्वलय् राधे राधे या भक्तजनपिनगिु नापं श्रद्धालु भक्तजनपिनिगु ब्वति अप्वः दइगु विश्वास यागु दु ।
न्हिथं बहनि न्याता इलयु प्रवचन न्ह्याइगु नं ग्वसाखल पाखें जानकारी वगु दु । नेपाल भारतया मैत्रिपुर्ण वातावरण दुगुलिं थ्व धार्मिक प्रवचन अझ अप्वः निगु देँ दुनेया भक्तजनपिंनि दथुइ मित्रता क्वातुइगु ग्वसाखलया विश्वास दु ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।