मतदानया विवरण आयोगया सूचना प्रणालीइ दुथ्याकेगु ज्या जुयाच्वंगु आयोगं धाःगु दु । आयोगया उपसचिव लिसें सहायक प्रवक्ता रामदत्त पाण्डेयं पितब्यूगु विज्ञप्तिकथं इलाम जिल्ला प्रतिनिधि सभा सदस्य निर्वाचन क्षेत्र नम्बर २ स करिब ५८ प्रतिशत ज बझाङ् जिल्ला प्रतिनिधि सभा सदस्य निर्वाचन क्षेत्र नम्बर १ या प्रदेश सभा सदस्य निर्वाचन क्षेत्र न १ स करिब ५० प्रतिशत मतदान जूगु दु ।
उपनिर्वाचनय् इलाम क्षेत्र नम्बर २ स छगू लख १५ द्वः ८८९ मतदाता व बझाङ क्षेत्र १(१) स ६१ द्वः ७४८ मतदाता दुगु खः ।
मतदान क्वचाःगु फुक्क मतदानस्थलं मतपेटिका मुख्य निर्वाचन अधिकृतया ज्याकुथी हयेगु ज्या जुयाच्वंगु दु व इलामया मतपेटिका मतगणनास्थल इलाम नगरपालिकाया वडा नं ७ स च्वंगु गौतम बुद्ध सभागृहय् चान्हसिया ११ बजे व बझाङया मतपेटीका जिल्ला अदालत चैनपुरय् हवाइमार्गं आइतबाः सुथय् १० बजेदुने थ्यंकेगु नीति माःकथं व्यवस्था यायेधुनागु विज्ञप्तिइ न्ह्यथनातःगु दु ।
इलामय् थौं चान्हय् व बझाङय् कन्हय् सुथय् फुक्कं मतपेटिका थ्यने धुंकाः राजनीतिक दलतय् समझदारी कथं मतगणना न्ह्याकेगु आयोगं धाःगु दु ।
उपनिर्वाचन क्वचायेकेत ग्वाहालि यानादीपिं सकसितं आयोगं सुभाय् देछाःगु दु ।