नेकपा माओवादी केन्द्रया उपाध्यक्ष पूर्वमन्त्री पम्फा भुसालं मिसापिनि ५० प्रतिशत अधिकार प्राप्तिया लागि अझ निरन्तर सङ्घर्ष न्ह्याकेमानि धयादिल । मिसापिनिगु हक अधिकारया लागि जनयुद्ध छगू विश्वविद्यालय जुगु गुकिं मिसापिन्त संगठित यानाः थःथःगु क्षमता क्यनेगु माध्यम जूगु नं वय्कलं कनादिल । राज्यया हरेक थासय् ३३ प्रतिशत अधिकार कायेगु निंतिं थःपिन्त क्षमतावान् यायां वनेमानिगु धयादिल । संविधानं बिउगु दक्व अधिकारीयात कार्यान्वयन यायाः यंके माःगु खँय् वय्कलं बः बियादिल ।
शुक्रबाः अखिल नेपाल महिला संघ (क्रान्तिकारीं) कोटेश्वरया पेरिस डाँडाय् ग्वसाः ग्वःगु अन्तत्र्रिmया ज्याझ्वलय् वय्कलं थथे धयादीगु खः ।
वय्कलं मिसा पिन्त पैतृक सम्पत्तिया मालिक दय्केगु अधिकारया एजेन्डा तयाः न्ह्याः वनेमाःगु नापं थःगु हे पार्टीइ दुगु अवस्थाय् मिसापिन्त आर्थिक अधिकार बीगु निंतिं दे न्यंकं अभियान न्ह्याकेत पहल यायेमाःगु खँय् नं बः बियादिल ।
महिला संघया नायः अमृता थापाया सभानायःसुइ जूगु ज्याझ्वलय् वय्कलं ज्याझ्वःया बारे थःगु खँ तयाः शुरु यागु खः ।
ज्याझ्वलय् पाहाँकथं नेकपा माओवादी केन्द्रया स्थायी समिति सदस्यपिं शशि श्रेष्ठ, जयपुरी घर्ति, कमला रोक्का, सत्य पहाडी, रुपा राखि चौधरी, गंगा बेहोसीपिनिगु उपस्थिति दुगु खः । ज्याझ्वः महिला संघया उपाध्यक्ष सरिता महर्जनं न्ह्याकादीगु खः ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।