अन्तर्राष्ट्रिय मातृभाषा दिवसया लसताय् कन्हे नेवा: पत्रकार राष्ट्रिय दबूपाखें मातृभाषा पत्रकारिता सम्वन्धि अन्तरक्रिया ज्याझ्व: याय् त्यंगु दु । ज्याझ्वलय् नेवा: भाषां पिहाँवयाच्वंगु संचारमाध्यमया प्रतिनिधिपिन्सं थ:थ:गु खँ तइगु ग्वसा खलकं धा:गु दु ।
मातृभाषा शताब्दी दँया तयारी कथं नं थ्व ज्याझ्व: न्ह्याके त्यनागु दबूया नाय: नृपेन्द्र लाल श्रेष्ठं धयादिगु दु ।
सन १९५२ य् तत्कालिन पूर्वि पाकिस्तान (थौंकन्हे बंगलादेश) बंगाली भाय् नवाय् दय्मा धका: माग यायगु इलय् अनया ब्वमिपिं स्यानाविउगु दिंया लुमन्ति थुगु दिवस हनेगु यानावयाच्वंगु ख: । सन् १९९९ सं युनेस्कों थुगु दिंयात मान्यता विउगु ख:सा सन् २००० य् संयुक्त राष्ट्र संघं मातृभाषा दिवस कथं हनेत आह्वान यासेलि हलिं न्यकं थुगु दिं हनेगु ज्या न्ह्यागु ख: ।
थुगुसि अन्तराष्ट्रिय मातृभाषा दिसया नारा “बहुभाषी शिक्षा अन्तर पुस्ताया शिक्षाया स्तम्भ ख:” धैगु क्वछिना त:गु दु ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।