येँ महानगरपालिका वडा १८ या अध्यक्ष न्हुच्छेकाजी महर्जनं च्वया व अभिनय यानादीगु निपू म्युजिक भिडियो म्हिग छगु ज्याझ्वः यानाः सार्वजनिक यागु दु ।
बागबजारस्थित सिटी म्याक्स हलय् जुगु उगु ज्याझ्वलय् मुपाहाँ कथं झायादिम्ह येँ महानगरया उपप्रमुख सुुनिता डंगोल उगु नेपाल भाषाया ‘छंगु नुगलय्’ व यो मनमा त्यो मन’ नेपालीभाषाया म्येया भिडियो सार्वजनिक याःगु खः। नापं वयकलं भाजु अध्यक्ष गम्भिर जुसां साहित्य नुग क्वसायका थगु कुतःयात पितविगु छगु च्वछाय्बहगु ज्याः खँ धयादिल ।
उगु ज्याझ्वलय् विशेषपाहाँ कथं येँ महानगरपालिकाया निवर्तमान प्रमुख विद्यासुन्दर शाक्य नं झायादिगु खः ।
नेपाल भाषाया म्येय् सरस्वती मानन्धर व राजेन्द्र शाक्यं सः बियादीगु खःसा पवन जोशीं निर्देशन यानादीगु खः। अथेहे नेपाली भाषाया म्येय् राजेन्द्र शाक्यं सः बियादीगुलि म्ये च्वमि महर्जन नापं रति व सुरज नापित, आराध्यलक्ष्मी खड्गीं अभिनय यानादीगु खः।
निपू हे म्येय् दिप तुलाधरं संगीत तयादीगु खः। सोहन मानन्धर व अमर चित्रकारं छायांकन यानादीगु खः।