सांस्कृतिक संस्थान(नाचघर)या सभाहलय् थीथी सांगीतिक ज्याझ्वः यासें संस्थानया ५१ क्वःगु वार्षिक उत्सव हंगु दु ।
मंगलबाः जूगु ज्याझ्वलय् प्रतिनिधि सभाया सभामुख देवराज घिमिरे, नेपाल संगीत तथा नाट्य प्रज्ञा प्रतिष्ठानया कुलपति निशा शर्मा, उपकुलपति शम्भु राइ व प्राज्ञ परिषद दुजःलिसें कलाकःमिपिनिगु ब्वति दुगु खः ।
हिमाली लागाया प्रतिनिधित्व याइगु शेर्पा व चौंरीया प्याखं टुंगुनाया सलं न्ह्याःगु ज्याझ्वलय् कलाकारपिसं थीथी सांस्कृतिक प्याखं न्ह्यब्वःगु खः ।
संस्थानय् आवद्ध म्ये हालामिपिसं राष्ट्रभक्ति म्ये हाःगु ज्याझ्वलय् नेवाः, मैथली, होली, मारुनी प्याखं, खैंजडी भजन प्याखं आदि लोकनृत्यत यक्वसिनं ययेकूगु खः ।