वंगु वाः चार्ल्स स्वम्हम्हया राज्याभिषेकया निंतिं बेलायत वनाः लिहाँ झाःम्ह परराष्ट्रमन्त्री एनपी साउद थाैं बंगलादेश झाइगु जूगु दु ।
‘खुक्वःगु इण्डियन ओसन कन्फरेन्स–२०२३’ स ब्वति कायेत वय्कः बंगलादेशया राजधानी ढाका झायेत्यंगु खः ।
हिन्द महासागर लागाया मजबुत भविष्यया निंतिं शान्ति, समृद्धि व सहकार्य यायेगु मू ज्यापतिइ सहलह यायेत उगु सम्मेलन ग्वसाःग्वःगु खः ।
भारतया विदेश मन्त्रालय, इन्डिया फाउन्डेसन व बंगलादेशया विदेश मन्त्रालयं मंकाःकथं ग्वसाःग्वःगु सम्मेलन शनिवाः क्वचाइ ।