येँ जिल्ला अदालतं कांग्रेस नेता लिसें पूर्वगृहमन्त्री बालकृष्ण खाणयात प्यन्हु हिरासतय् तयेत अनुमति बिउगु दु । नक्कली भुटानी शरणार्थी प्रकरणय् अनुसन्धान यायेत हिरासतय् तयेत अदालतं अनुमति बिउगु खः ।
थ्वयां न्ह्यः काठमाडौं प्रहरी परिसरं वय्कःयात म्याद थप यायेत अदालत यंकूगु दु । नक्कली भुटानी शरणार्थी प्रकरणय् लाःम्ह वय्कःयात अनुसन्धान यायेत प्रहरीं थाैं सुथय् वय्कःया हे छें ज्वंगु खः ।
नक्कली शरणार्थी प्रकरणय् प्रहरीं पूर्वगृहमन्त्री खाणलिसें छगू दर्जनयात ज्वने धुंकूगु दु । द्वपंमिपिनि बयानया लिधंसाय् अनुसन्धानय् खाणयात साःगु खः ।