भुटानी शरणार्थी प्रकरणय् लाःम्ह प्रतिनिधि सभा सदस्य टोपबहादुर रायमाझी संघीय संसद् सचिवालयया सम्पर्कय् वःगु दु ।
संघीय संसद् सचिवालयया प्रवक्ता एकराम गिरीया कथं सांसद् रायमाझीं स्वास्थ्यय् समस्या वयाः अस्पतालय् वासः याका च्वनागु जानकारी ब्यूगु खः ।
वय्कःया कथं प्रहरीया फरार सूचीइ दुम्ह रायमाझीं बिरामी बिदा स्वीकृत यानाबीत निवेदन संघीय संसद् सचिवालयय् छ्वयाहःगु खः ।
रायमाझीविरुद्ध प्रहरीं वंगु बुधवाः पक्राउ पूर्जी जारी यासांनिसें वय्कः बिसिउँ वनाच्वंगु दु ।