नक्कली भुटानी शरणार्थी प्रकरणया झ्वलय् प्रहरीं पूर्वगृहमन्त्री लिसें नेपाली कांग्रेसया नेता बालकृष्ण खाँणयात ज्वंगु दु ।
काठमाडौं प्रहरी परिसरया पुचलं खाँणयात थाैं सुथय् मैजुवहालय् च्वंगु वय्कःया हे छें ज्वंगु खः । वय्कःयात आः प्रहरी परिसर टेकुइ तयातःगु दु ।
थः गृहमन्त्री जूबलय् खाँणं ल्यःम्ह तत्कालीन गृह सचिव टेकनारायण पाण्डेलिसें झिम्ह प्रमाणलिसें ज्वने धुंकूगु दु ।
प्रहरी हिरासतय् च्वंम्ह नेपाल सरकारया सचिव पाण्डें पूर्वगृहमन्त्री खाँणया तकं नां काःगु खः । आरोपितया बयानया लिधंसाय् अनुसन्धानय् खाँण नं थुगु प्रकरणय् साःगु खः ।
नक्कली भुटानी शरणार्थी प्रकरणलिसे स्वाःम्ह नेकपा एमालेया सांसद टोपबहादुर रायमाझी फरार जुयाच्वंगु दु ।
प्रहरीं गृह मन्त्रालयया पूर्वसचिव पाण्डे, पूर्वगृहमन्त्री रामबहादुर थापा बादलया सुरक्षा सल्लाहकार इन्द्रजित राई लिसेंया पिन्त ज्वनाः अनुसन्धान यानाच्वंगु दु ।