शहिद स्मारक ‘ए’ डिभिजन लिगया थौं सातदोबाटोस्थित एन्फा मुख्यालयय् जूगु कासाय् न्युरोड टीम (एनआरटी) व एपीएफ फुटबल क्लब बराबर जुयाः अंक इउँगु दु ।
एनआरटीं इन्जुरी इलय् एपीएफलिसे कासा कःघाये मफुसेंलि कासा १–१ गोलया बराबरीइ क्वचाःगु खः ।
एनआरटीया निंतिं लालनुनजामां व एपीएफया निंतिं एड्मा डोम्बियां गोल याःगु खः ।
न्हापांगु हाफ सुनां नं गोल याय् मफुगु कासाया ५८गू मिनेटय् कप्तान विक्रम धिमालया क्रसय् लालनुनजामां हेडर गोल यानाः एनआरटीयात १–० गोल अन्तरया अग्रता ब्यूगु खः । तर, कासाया इन्जुरी यलय् एड्मां गोल यानाः एपीएफयात बुइगुपाखें बचे याःगु खः ।
बराबरी जुइवं १४ कासाय् १७ ल्याः हयाः एनआरटी गुंगूगु थासय् दुसा १४ गू हे कासा. १९ ल्याः हयाः एपीएफ न्हय्गूगु थासय् थ्यंगु दु ।
