थौं बिहीबार दशरथ रंगशालाय् जूगु सहिद स्मारक ए डिभिजन लिगय् मछिन्द्र क्लबं संकटा एफसीयात ३–१ गोल अन्तरं बुकूगु दु ।
थुगु कासाय् त्यायेवं मछिन्द्र ल्याःधलखय् न्यागूगु थासय् थ्यंकेत ताःलाःगु दु । मछिन्द्रया निंतिं देवेन्द्र तामाङ, विमल घर्ती मगर व ओलावाले आफिजं गोल याःगु खः ।
कासाया प्यंगूगु मिनेटय् मछिन्द्रया निंतिं देवेन्द्र तामाङं गोल यानाः न्ह्यज्याकूगु खः । थथे हे १९ गूं मिनेटय् निशेन सुब्बाया क्रसय् विमल घर्ती मगरं हेडर गोल यात सा ६९ गू मिनेटय् सौरभ लिम्बुया पासय् ओलावाले आफिजं संकटाया गोलरक्षक टिकेन्द्रयात वान भर्सेस वानय्ु बिट यासें गोल याःगु खः ।
कासाया ७८ गू मिनेटमा संकटाया निंतिं जुनियर एन्कंगें निशान खड्काया क्रसय् सान्त्वना गोल याःगु खः ।
थुगु कासालिसें मछिन्द्रं म्हितूगु १४ गू कासाय् न्यागू त्याःगु, खुगू ज्वलिंज्वः व स्वंगू कासा् बूगु दु ।
कासालिपा संकटा खुक्वः बुसेंलि ११ गू थासय् थ्यंगु दु । संकटां प्यंगू कासा त्याकूगु दुसा प्यंगू कासाय बराबरी यायेत ताःलाःगु दु ।
