वइगु जून १८ निसें जुलाई ९ तक जिम्बावेय् जुइगु आईसीसी एकदिवसीय विश्वकप क्रिकेट छनोट कासा म्हितीगु झिगुलिं देय्या नां क्वःजिउगु दु ।
आयरल्यान्ड विश्वकप सुपर लिगया शीर्ष ८ य् थ्यंकाः तप्यंक विश्वकप म्हितेगु ह्वःताः तंकेवं छनोट कासाय् ब्वति काइगु झिगुलिं देय्या नां क्वःजिउगु खः ।
सुपर लिग अन्तर्गत शृंखलाया न्हापांगु कासा वा वःगु हुनिं रद्द जुसेंलि बंगलादेशलिसे ल्याः इउँगु आयरल्यान्डं सिधा विश्वकप छनोटया ह्वःताः त्वःफिकूगु खः ।
सुपर लिगय् ब्वति काःगु श्रीलंका, वेस्ट इन्डिज, जिम्बावे व नेदरल्यान्ड्स न्हापा हे विश्वकप छनोट म्हितीगु पक्का जुइ धुंकूगु खः । उकी आः
आयरल्यान्ड नं तंगु दु । १३ देसं ब्वति काःगु सुपर लिगं ग्वसाः ग्वःगु देय् भारत, पाकिस्तान, अस्ट्रेलिया, न्युजिल्यान्ड, बंगलादेश, इंग्ल्यान्ड व अफगानिस्तान तप्यंक विश्वकपया निंतिं ल्यःगु दु । थुकी दक्षिण अफ्रिका नं थप जूगु दु ।
विश्वकप छनोटय् लिग २ पाखें नेपाल, स्कटल्यान्ड व ओमानं थाय् दयेकूगु खः ।
विश्वकप प्लेअफ क्वालिफायरपाखें अमेरिका व युएई शीर्ष निगू पुचलय् थ्यंकाः विश्वकप छनोटय् थ्यंगु दु ।
आः विश्वकप छनोट म्हितीगु झिगू देसय् नेपाःलिसें वेस्ट इन्डिज, श्रीलंका, जिम्बावे, आयरल्याण्ड, नेदरल्याण्ड्स, स्कटल्याण्ड, ओमान, अमेरिका व युएई दु ।