मोबाइल कासा पब्जीं नेपाली कासामिपिनि कासायात भिंकेगु कुतः न्ह्याकूगु दु । पब्जीं नेपाःया इन्टरनेट सेवा प्रदायक वर्ल्ड लिंकलिसे थौं सहकार्य यायेगु सम्झौता याःगु दु ।
गेमरया लागि उच्च गतिया इन्टरनेट उपलब्ध याकेगु औपचारिक सम्झौता यासें पब्जी मोबाइलं नेपालय् गेमिङय् अभूतपूर्व हिउपाः हयेगु घोषणा याःगु दु ।
नेपालय् मोबाइल गेमिङया आकर्षण अप्वया वंसेंलि पब्जीं नेपालय् वर्ल्ड लिंकलिसे औपचारिक सहकार्य न्ह्याकूगु खः । पब्जीयाकथं नेपाःन्यंक ५० स्वयां अप्वः सक्रिय मोबाइल गेमरत दु ।
टेनसेन्ट साउथ एशिया पब्लिसिङं इकोसिस्टम हिउपाःलिसें मोबाइल गेमिङया निंतिं नेपाः मू थाय् जूगु धाःगु दु । वयाकथं पब्जी कासा प्रतिभां अन्तरराष्ट्रिय प्रतिस्पर्धा यानाः सफल जूगु दु ।
पीएमजीसीइ डीआरएस, डेडआइज गाइज, स्काइलाइट्स गेमिङ व टीटूके थुज्वःगु पुचलं क्यंगु प्रदर्शनं नेपालय् पब्जीया प्रवद्र्धनया सम्भाव्यता क्यंगु दु ।
By सुनिता महर्जन
वि.सं. २०६० सालय् मेट्राे एफएमय् सांस्कृतिक मण्डल ज्याझ्वः न्ह्याकाः औपचारिक रूपं सञ्चार ख्यलय् न्ह्यज्यानादीम्ह सुनिता महर्जनजु थ्वयां न्ह्यः नं सन्ध्याटाइम्स न्हिपतिइ इलय्ब्यलय् फिचर राइटिङ यानावयाच्वनादीम्ह खः । सांस्कृतिक मण्डल ज्याझ्वःया निंतिं समाचार संकलन, कार्यक्रम प्रस्ताेता व निर्माणया ज्या यानादीम्ह वय्कलं इलय्ब्यलय् अप्सरा वाःपाै, तिकिझ्याः वाःपाैलिसेंया नेपालभाषाया पत्रिकाय् च्वसु प्रकाशित यानादीगु दु । लिपांगु इलय् मेराे साप्ताहिक पत्रिकाय् प्रमुख संवाददाताकथं ज्या यानाच्वनादीगु दु । नेवाः संचार ख्यलय् मिसातय् उपस्थितियात सशक्त दय्के माः धइगु तातुनां वय्कःया हे पहलय् न्हाय्कं डटकम न्ह्याकादीगु दु । वय्कः थाैंकन्हय् नेवाः पत्रकार राष्ट्रिय दबूया केन्द्रीय ल्यूछ्याञ्जे जुयादी सा आदिवासी जनजाति पत्रकार महासंघ (फोनिज)या नं केन्द्रीय दुजः जुयादी ।