नेपाल व संयुक्त अरब इमिरेट्स (युएई) एसीसी प्रिमियर कपया फाइनलय् थ्यंगु दु ।
किपूया त्रिवि क्रिकेट मैदानय् थौं जूगु कासाय् नेपाः व कुवेतया दथुइ सेमिफाइनल कासा तच्वक वा वसेंलि दिउगु खः । कासा रद्द जुइवं नेपाः फाइनलय् वंगु खः ।
तच्वकं वा वयाः कासाय् लिच्वः मवसेंलि नेपाः समूह विजेताकथं फाइनलय् थाय् दय्केत ताःलाःगु खः ।
थौंया कासाय् नेपाः टस बुनाः न्हापां ब्याटिङ याःगु खः । नेपाःयात बुकेत २८२ रनया ताः तयाः मैदानय् कुहाँवःगु कुवेतं ८.३ ओभरय् ६ विकेट तंकाः ३७ रन दयेकू इलय् तच्वकं वा वसेंलि कासा दिकेमाःगु खः ।
नेपाःया निंतिं करण केसी याकःचां न्यागू विकेट काःगु खःसा सोमपाल कामीं छगू विकेट काःगु खः । अनंलिपा तच्वकं वा वसेंलि सुपर ओभर तकं जुइ मफयाः नेपाल समूह ‘ए’ या त्याकामिकथं फाइनलय् थ्यंगु खः ।
थुकथं हे मूलपानी मैदानय् जूगु मेगु सेमिफाइनल कासाय् युएई डीएलएस प्रणालीया लिधंसाय् ओमानयात निगू रनं बुकाः फाइनलय् थ्यंगु खः ।
आः नेपाः व युएई दथुइ फाइनल कासा सोमवाः जुइसा स्वंगूगु थाय्या निंतिं कुवेत व ओमान आइतबाः म्हितीगु जूगु दु ।
