उपप्रधान लिसें गृहमन्त्री नारायणकाजी श्रेष्ठं जनकपुरय् ‘अनुचित लेनदेन (मिटर व्याज) सम्बन्धी जाँचबुझ आयोग’या ज्याकू उलेज्या यानादीगु दु ।
थौं छगू ज्याझ्वःया दथुइ गृहमन्त्री श्रेष्ठं मधेस प्रदेशया लाय्कू जनकपुरधामय् च्वंगु हुलाक ज्याकू लागाय् अनुचित लेनदेन (मिटरब्याज) सम्बन्धी जाँचबुझ आयोगया केन्द्रीय ज्याकू उलेज्या यानादीगु खः ।
उगु ज्याझ्वलय् नुगःखँ तयादिसें उपप्रधानलिसें गृहमन्त्री श्रेष्ठं थ्व छगू सामान्य आयोग वा आयोगया ज्याकूया जक उलेज्या मखु धयादिसें नेपालय् साम्राज्यवादया हाकथं मिटरव्याजया शोषण व उत्पीडन ल्यनाच्वंगु धयादिल । मिटरव्याजं पीडितपिन्त राहत व पीडकयात कानूनया कठघराय् हयेगु निंतिं थुगु आयोगं ज्या याइगु वय्कलं कनादिल ।
