नेपाः देशय् कुमारीया महत्व विस्कं दु । कुमारीयात विभिन्न दृष्टिकोणं स्वयेगु याःसां येँयाः बलय् देय् चाहिकिम्ह कुमारी निसें यल, पन्ति साखु अले येँया थीथी थासय् नं कुमारी विशेष दिन लाकाः पिकायेगु याः । अथेहे यलया कुमारी गुम्हसिनं कुमारी जीवन धुंकाः समसायिक जीवन यापन यानाच्वंगु इलय् थम्हं थुइका च्वनागु जीवनयात कयाः छगु किपा ब्वज्या न्ह्याका च्वंगु दु ।
थ्व किपा ब्वज्याय् वि.सं. २०६७ निसे २०७१ साल तक यलया कुमारी जुयादिम्ह मय्जु समिता बज्राचार्यया खः । यलया संग्रहालय तयातःगु उगु किपा ब्वज्याय् थः कुमारी जुइत छनौटनिसें कुमारी जीवन व समसायिक जीवनय् सौन्दर्य प्रतियोगिता ‘मिस नेशनल’जुयाबलय्या किपा त ब्वयातःगु खः । वयकलं थः कुमारी जुइ दयाः लय्ताः धयादिगु दु । थुगु किपा ब्वज्याय् ४३ पाः किपात तयातःगु दु ।
वय्क ८ दँ दुबलय् कुमारी जुयादीगु खःसा ११ दँ दुबलय् छेँ लिहां झाःगु खः ।
