ख्वपःया विनाता सांगितिक समाजया ग्वसालय् विक्रम सम्बत २०८० न्हूदँ व ख्वपःया तःजिगु सांस्कृतिक नखः बिस्का या लसताय् ” शुभकामना तथा सांगितिक ” ज्याझ्वः तःजिक क्वचाःगु दु ।
ग्वसाखलः विनाता सांगितिक समाजया नायः अोमप्रकाश श्रेष्ठया सभानायसुइ क्वचाःगु उगु सांगितिक ज्याझ्वलय् “सिलु” नायः जय श्रेष्ठ,नांजाम्ह म्येच्वमि सुभाष चन्द्र ढुंगेल,ख्वपःया वडा ५ या वडा अध्यक्ष योगेन्द्र मान बिजुकुछे,वडा ७ या वडा अध्यक्ष उकेश कवां, वडा ९या वडा अध्यक्ष रविन्द्र ज्याख्वः, संकिपामि कलाकार सुरेन्द्र श्रेष्ठ,विनाता सांगितिक समाजया संरक्षक बद्री नारायण ताम्राकार, संसार्स क्रियशन या क्रियटिभ डाइरेक्टर नांजाम्ह कलाकःमि स्वतन्त्रसंसार महर्जन,नांजापिं ख्यालि कलाकारपिं हृदय प्रसाद मिश्र, श्याम सुन्दर शिल्पकार व अर्णेश्वरी शिल्पकार,ख्वपया संगीत गुरुपिं गोविन्द भुजु व जननी मूल व वरिष्ठ सिने पत्रकार विजयरत्न असंबरे लगायतया आपालं भिंचितामिपिं विशिष्ट पाहाँ कथं झायादीगु खः ।
उगु ज्याझ्वलय् रोजी डंगोल श्रेष्ठ , सरिता प्रजापति व एन्जिला श्रेष्ठ थेंज्यापिं लोकंह्वापिं सांगितिककःमिपिं लगायत प्रिया बस्नेत,रोहिम ताम्राकार,बद्रिनारायण ताम्राकार , प्यारी सुवाल लगायतया कलाकारपिन्सं पिन्सं म्येहाला न्यंकादीगु खःसा थःथःगु कला न्ह्यब्वया दीगु खःसा एभरेष्ट इंग्लिशं स्कूलया मस्तसें मन्जुश्री चचा प्याखं हुला क्यंगु खः ।