अन्तर्राष्ट्रिय मां भाय् दिवस फेब्रुअरी २१ या लसताय् येँया केलत्वाःया नेपामि या ग्वसालय् छगू साहित्य व सांगितिक ब्वज्या जुउगु दु । थ्व ज्याझ्वःया संयोजन भाषाह्यःमि म्येहालामि पवित्र कसाः जुं यानादीगु खः ।
ज्याझ्वःयात कथं येँ महानगरपालिका वडा २५ या वडा नायः राजेश डंगोलं नुगःखँ तया उलेज्या यानादिल ।
मां भाय् दिवसया लसताय् जूगु उगु ज्याझ्वलय् लोककवि राजभाइ जकःमि , डा पुष्पराज राजकर्णिकार, नरेश अमात्य, राजा बज्राचार्य, अमृतरत्न शाक्य,रमिता बज्राचार्य, रिता महर्जन, विमला मानन्धर, सारा बज्र, अन्जना ताम्राकार, बद्री वेदना, रेणु श्रेष्ठ, जीवन देवी कसाः, धर्म राज राजकर्णिकार,पालिजा खडगी, पुष्परत्न ताम्राकार स्वीटहर्ट, शैलेश शाक्य लगंबरे व विजयरत्न असंबरे पेन्स थःथःगु च्वसां पिदंगु थीथी साहित्यया सवाः न्ह्यब्वया दीगु खः ।
थ्व ज्याझ्वलय् म्येहालामि रिता महर्जन, गंगादेवी महर्जन, सुमित्रा महर्जन या लिसेलिसें नेपालभाषाया सांगितिक रियालिटि शो नेवाः आइडल या टप टेनय् लाःपिं जितेन शाक्य, मन्जिल शाक्य , सिल्भिया प्रजापति लगायतं सांगितिक ब्वज्या न्ह्यब्वया दीगु खः ।