थ्वहे थिंलाथ्व त्रयोदशी (मंसिर २० गते) मंगलवाः वाङमय शताब्दीपुरुष डा. सत्यमोहन जोशीया नामय् नेपालभाषा मंकाः खलः यलपाखें पलिस्था याःगु डा. सत्यमोहन जोशी नेपालभाषा साहित्य सिरपाः न्हापांखुसी नेपालभाषा साहित्यकार फणिन्द्ररत्न बज्राचार्ययात लःल्हाइगु जूगु दु ।
नेपालभाषा मंकाः खलः यलपाखें छगू विज्ञप्ति जारी यासें थुगु जानकारी ब्यूगु खः । मंकाः खलकं यलया जातीय खलःपुचःतलिसे सहलह ब्याकाः थुगु सिरपा स्वनागु जानकारी ब्यूगु दु ।
मंगलवाः राष्ट्रपति भवन शितल निवासय् छगू ज्याझ्वःयासें राष्ट्रपति विद्यादेवी भण्डारीया ल्हातं साहित्यकार बज्राचार्ययात उगु सिरपाः लःल्हायेगु ज्याझ्वः दुगु मंकाः खलकं जानकारी ब्यूगु दु
