नइ एकेडेमीं ‘नेपाल भारत विश्वविद्यालय प्राध्यापक सम्मेलन’ च्वन्ह्याकेगु निंतिं नेपाली भाषासाहित्य ब्वनेब्वंके, अनुसन्धान व सिर्जनात्मक संवर्धनय् समर्पित जूपिं निम्ह प्राध्यापकपिन्त मदयेधुंकाः ‘नइ प्रज्ञा पुरस्कार’ लःल्हाइगु जूगु दु ।
थथे मदयेधुंकाः सिरपाः लःल्हायेत्यंपिं प्रा.डा.ताराकान्त पाण्डे व प्रा.खेमराज जोशीयात ‘नइ प्रज्ञा पुरस्कार’पाखें विभूषित यायेत्यंगु खः ।
थ्व सिरपाः म्हतिं ५०-५० द्वः तकाया खः ।
नइ एकेडेमीं २०८२ चैत २७, २८ व २९ गते जुइगु ‘नेपाल भारत विश्वविद्यालय प्राध्यापक सम्मेलन’या लसताय् प्रा.डा. पाण्डे व प्रा. जाेशीया कलाः वा उत्तराधिकारीयात ‘नइ प्रज्ञा पुरस्कार’ लःल्हाइगु जूगु दु ।
नइ एकेडेमीया कुलपति इन्दिरा प्रसाईया नायःसुइ च्वंगु मुँज्यां उगु निर्णय याःगु खँ सदस्यसचिव नरेन्द्रराज प्रसाईं कनादीगु दु ।